أخبار وطنية الاستاذ سامي بن سلامة العضو السابق بهيئة الانتخابات يمثل صباح اليوم أمام القضاء ويقول: نحن فداء لهذا الوطن
نشر في 06 سبتمبر 2023 (08:26)
أعلن الاستاذ سامي بن سلامة عضو هيئة الانتخابات انه سيمثل صباح اليوم 6 سبتمبر 2023 امام الادارة الفرعية للقضايا الاجرامية بثكنة القرجاني في حالة تقديم لاحالته على انظار المحكمة الابتدائية بتونس.
و علق الاستاذ بن سلامة على الاستدعاء كالآتي:
نحن فداء لهذا الوطن...
محاكمتي السياسية الظالمة قدام قضاء تعليمات غير عادل وغير نزيه وما عنديش غرام ثقة في ممارساتو حاشى الوطنيين الحقيقيين فيه باش تكون فرصة مهمة لمحاكمة المنظومة التعيسة والبائسة والمفلسة هاذي الي تعتدي من أشهر على حقوق التوانسة في حياة ديمقراطية سليمة وفي العيش الكريم... وتمعن في الإعتداء على جميع حقوقي الشخصية ومنها حقي في التعبير وفي ممارسة مسؤولياتي الوطنية...
بالكش فيبالكم ملوحين عليكم وإلا خاطر نسايسو فيكم خوفا على بلادنا خايفين منكم ؟
رانا أولاد وأحفاد الناس الي ضحات وناضلت في سبيل الاستقلال وشاركت في إخراج الاستعمار بالسلاح وساهمت في بناء الدولة الوطنية الحديثة في مواقع متقدمة...
أصلا قداش باش تقعدو انتوما في الحكم ؟
تنجمو تلفقولي الاتهامات الي تحبو عليهم وتشوهوني وتسيبو كلابكم وقطاطسكم وفيرانكم...وتدخلوني لحبوساتكم وتمرمدوني اما وعد مني كلمتي باش تكونلكم كابوس ما يخليكمش ترقدو النوم...
والبادئ أظلم...
